Football (Ligue 1) - Battu à domicile par Auxerre, l'ACA a un pied en Ligue 2
Photo : AC Aiacciu
Hè stata calamitosa a partita pruposta da l’AC Aiacciu à u so publicu, duminica dopu meziornu in Timizzolu, contru à l’AJ Auxerre.
Eppuri l’avia ditta Olivier Pantaloni, quissa era l’ultima pussibilità di salvà si.
Ma i ghjucadori si sò mancati in tuttu.
L’ambianza in u stadiu era bedda curiosa, i sustinitori avendu fattu senta a so scuntintezza innanzi à u principiu llu scontru. Subitu, l’aiaccini si sò infangati, contru à una squadra d’Auxerre ch’ùn era po’ cusì quenta : dopu à cinqui minuti di ghjocu, si n’era dighjà à 2 à 0, cù dui marchi di Touré è Da Costa.
L’ACA tuccaia à veru u fundu, è u stadiu colpu à colpu n’era à piddà si ni à a so squadra.
Ghjustu innanzi à u posu, Alphonse marcaia contru à i soi, dendu un 3 à 0 à Auxerre chì mancu ùn la spiraia.
A siconda parti llu scontru fù dissapita in tuttu, è guasgi guasgi Auxerre mittia un quartu marcu, ma par furtuna a biscica tuccaia l’asta aiaccina.
Issa disfatta hè quidda di troppu – masimu chì a manera ùn c’era ! - par tanti i sustinitori, parichji issendu si ni andati innanzi à a fini llu scontru.
Cù issa nova scunfitta in casa, l’ACA hè guasgi cundannatu à a falata in siconda divisioni.
Sur le même sujet
