Football (Coupe de France) - Un SC Bastia pathétique éliminé à Lyon la Duchère (N3) (4-1)
A pessima staghjoni di u SC Bastia cuntinuvighja, cù issa trista eliminazioni à u settimu ghjiru lla Cuppa di francia : u Sporting hà persu 4 à 1 contru à Lyon La Duchère, una squadra di Naziunali 3.
In a prima meza ora di ghjocu, avariani pussutu marcà i bastiacci, ma a ripresa di Guého ùn hà francatu a riga lla cabbia.
Ghjunta l’azzioni di dopu, era presa a difesa bastiaccia, è Bentahar mittia un marcu.
Passati 38 minuti, dopu à un gattivu gestu à nantu à Conte, Loubatières, via un calciu di riparu, mittia i soi à marcu pattu.
Ma u Sporting hè statu missu in difficultà da issa squadra valurosa, ma chì quantunca ghjoca trè divisioni da suttu.
I cambiamenti ùn avendu purtatu tanti affari, i bastiacci ani lintatu in tuttu in fin’di scontru.
Dopu à 87 minuti di ghjocu, Boughanmi facia ripassà i soi davanti.
Dui altri marchi aviani da suvità, di Maluvunu in prima, po’ un altru di Boughanmi.
Cù iss’eliminazioni chì sdici cù a storia di a squadra in Cuppa, veni ancu un pinseri : u scontru era di pessima qualità, senza cuntinutu micca, masimu à l’ultimi minuti.
Ben’intesa mancaiani l’aienti, ma quiddi prisenti ani abandunatu a lutta, una sittimana dopu à u scontru contru à u parigi FC, ind’iddu s’era fattu senta Régis Brouard, in cunfarenza di stampa.
Dopu à issu fiascu, si poni a quistioni : passarà sempri, cù i ghjucadori, u missaghju di l’addistradori bastiacciu ?
