Elections municipales à Bastia : le conseil d'Etat confirme la décision du tribunal administratif, l'élection ne sera pas invalidée
Hè infini compia a filastrocca di i municipali llu 2020 in Bastia. U cunsigliu di statu hà righjittatu i dumandi lla maiurità è di u gruppu d’uppusizioni Unione per Bastia, dendu tandu cunfirma llu ghjudicamentu llu tribunali amministrativu.
Vali à dì chì l’alizzioni di Franck Dassibat, l’ultimu elettu di a lista Bastia più forte Inseme, hè invalidata parvia di a influenza d’un currieri di l’Uffiziu Publicu di l’Abitatu, fattu à l’uccasioni di l’urganisazioni d’una riunioni publica lla lista. À a lista di Pierre Savelli, li sò ancu stati cacciati 1 500 € da u rimpattu llu prezzu lla campagna.
Eppuri, ùn hè stata invalidata l’alizzioni, com’idda a dumandaia Unione per Bastia.
« Issa liti issendu compia, si spera avali chì u gruppu Unione per Bastia a si sfrancarà da i partizioni lla pulitichedda, è ch’iddu s’avviarà in una dinamica d’uppusizioni sana è custruttiva pà a dimucrazia, à u sirviziu lli bastiacci », hà dittu u merri Pierre Savelli via un cumunicatu
