Drapeau à l'école des jardins de l'Empereur : la réaction de Simon Renucci !
(A redazzioni d'Alta Frequenza) - Dopu chì una bandera francesi sighi stata brusgiata è rimpiazzata da una bandera maruccana in a scola di i Jardins de l'Empereur in Aiacciu, Simon Renucci hà riagitu in un cumunicatu. L'anzianu merri, candidatu à l'alizzioni municipali di ssa dumenica è i so cumpagni di lista "dinunziani è cundannani cù l'energia a più maiò l'uffesi intularbili à i simbuli ripublicani chì sò a bandera à trè culori è a scola publica. Sò cuscenti di a gravità d'attacchi simuli contr'à a scola è contr'à u sistema educativu. Chjamani à sustena senza riserva tutta a cumunità educativa di a scola di i Jardins de l'Empereur è tutti i so culleghi pocu impremi u stabilimentu induv'elli travaghjani. Pà lialtà ver di u serviziu publicu di l'educazioni, è à nomu di a libertà, ùn firmaremi micca senza mova contr'à l'imbecili è altri gattivi spiriti. Nulla, nè nimu ci farà svià da ssa strada scelta è difesa", dicini ss'ultimi. "Vulemi aduniscia è custruiscia, agiscia è riescia pà una scola chì, cù a cultura, a cunniscenza è l'ideali cullittivi, parmetti à tutti i nostri fighjoli di divintà citadini, capaci di participà à a vita di a cità, libari di i so scelti. Hè in cuscenza ch'è no rivindichemi una dignità uguali pà tutti" compiini Simon Renucci è i so cumpagni di lista.
Sur le même sujet
