Corsica Libera estime que la majorité territoriale fait le choix d'enterrer la compagnie maritime régionale
Oghji è dumani, ci hà da essa una sissioni nova di l’assemblea corsa.
U cartulari lli trasporti marittimi pudaria essa un sughjettu di quiddi cuntrastati bè, chì a maiurità tarrituriali hà sceltu di stabilì una nova diligazioni di sirviziu publicu, da u 2023 à u 2029 : vali à dì chì u prughjettu di cumpagnia marittima righjunali, pari ch’iddu s’affondi bè.
Issa scelta, ùn hè capita tantu da Corsica Libara, chì sinu à u 2021 era d’issa maiurità tarrituriali. Issu muvimentu, sò 25 anni è ancu di più ch’iddu pridichighja pà a cumpagnia righjunali. Par Corsica Libara, si riveni à nantu à a parolla data mentri a DSP pruvisoria vutata in u 2020, mentri a crisa llu Covid. Ancu peghju, Gilles Simeoni avaria simpliciamenti sceltu d’intarrà u prughjettu.
Ùn saria quissu un altru rinunciamentu à l’ideali llu muvimentu naziunali ? Sarà una scelta à fini di cunsulidà u cusì dittu consortium? Steti à senta i risposti di Josépha Giacometti, eletta di Corsica Libara à l’assemblea.
