Corse dans la Constitution : le projet d'article précisé
(A redazzioni d'Alta Frequenza) - "I legi è i rigulamenti poni includa reguli adattati à i spicificità liati à a so insularità è à i so caratteristichi geugrafichi, ecunomichi o suciali" : eccu ciò ch'ellu priciseghja u prughjettu d'articulu 72-5 cunsacratu à a Corsica inde a Custituzioni, chì l'AFP hà pussutu uttena ssu ghjovi, trasmissu à u Cunsighju di Statu da u guvernu. Hè scrittu inde ssu ducumentu chì "ss'adattazioni poni essa dicisi da a cullittività di Corsica inde i materii induv'elli s'eserciteghjani i so cumpitenzi è s'ella hè stata autorizata, sicondu u casu, da a legi o u rigulamentu". Un quadru siveru, cù com'è limita frà altru u fattu chì ùn ci pudarà essa dicisioni lucali "quand'elli sò in causa i cundizioni essenziali d'eserciziu d'una libertà publica o d'un dirittu guarantitu à u nivellu custituziunali". Eccu u decoru, chì era dighjà cunisciutu dipoi parechji simani, è i pricisioni arricati oghji ùn ani micca da rassirinà a maghjurità tarrituriali naziunalista.
Sur le même sujet
