Core in Fronte à Edouard Philippe : "Monsieur le Premier ministre, vous n’êtes pas le bienvenu en Corse !"
(A ridazzioni d'Alta Frequenza) - In un cumunicatu, Cori in Fronti faci senta u so parè, ghjuntu u primu ministru francesu in Corsica. Dici u muvimentu indipindintistu chì « a Corsica ùn devi aspittà nudda lla visita llu primu ministru », chì « a quistioni corsa hè pulitica, ùn hè tecnica ».
Par Cori in Fronti, « a visita d’edouard philippe in Corsica hè in a cuntinuvità di quidda d’emmanuel macron d’aprili. Hè chivi par pridicà a pusizioni di u statu francesu : quidda ch’ùn voli ricunnoscia i dritti llu Populu Corsu in tarra soia, malgradu i scelti dimucratichi à l’alizzioni llu 2015 è llu 2017 ».
« Quantu volti, dipoi a cunquista militara llu 1769, i dirigenti lla francia sò vinuti à spiicà à u picculu populu di chivi quant’idd’hè bè d’essa accupatu militarmenti, puliticamenti è amministrativamenti da issu paisonu, issu paisonu chì hà fattu curra u sangu d’una nazioni in l’acqui llu Golu ? », scrivi Cori in Fronti chì finisci dindu « O sgiò primu ministru, ùn seti binvinutu in Corsica »
Sur le même sujet
