Commission de Discipline : le GFC Aiacciu lourdement sanctionné
Ghjovi à sera, sò falati cutrati à nantu à u GFCA, in cumissioni di disciplina. Dopu à u macciu di u 20 di sittembri contru à Boulogne, a squadra corsa avia presu trè scontri attimpati senza publicu, ma l’attimpata, a cumissioni l’hà cacciata ! In supr’à più, dui dirigenti sò stati suspesi, unu par deci scontri, è l’altru par sei mesa. A cumissioni di disciplina hà cacciatu dinò dui punti – attimpati – à a squadra. Par ciò chì tocca à i ghjucadori, Thibault Campanini è Roderic Filippi sò suspesi par quattru scontri, è Dumenicu Guidi par trè.
In un cumunicatu, a squadra aiaccina dici ch’idda trova issi sintenzi grevi à veru, è ch’idda farà appellu d’issi dicisioni.
