Collectivité unique : le STC gronde
(A redazzioni d'Alta Frequenza) - Sicondu u STC, "u 1a di ghjinnaghju di u 2018 sarà una data impurtanti pà u sviluppu istituziunali è ecunomicu di a Corsica". Ss'infrasata hè propiu ben piazzata in u cumunicatu longu scrittu da u STC di i trè cullittività maiò di Corsica ssu ghjovi cuncirnendu a cullittività unica. U sindicatu ùn si faci micca prigà, quand'ellu cundanna "i culpacci à parechji di ss'ultimi ghjorni contr'à a Cullittività Unica (...) chì dimostrani a natura prufonda di certi eletti nostri è particularmenti di i nostri diputati è senatori, chì prifiriscini u so clanu, u so arcaisimu, a pulitichella à sfavori di l'intaressi di a Corsica è di u so populu". U cumunicatu metti propiu in avanti u presidenti di u Cunsighju dipartimintali di Corsica Suttana chì "ùn pianta di suffià u caldu è u fretu". È u sindicatu di compia ch'ellu ùn firmarà "senza riazzioni di pettu à l'attitudini micca rispunsevuli di ss'eletti".
