Collectivité unique : le sentiment du maire de Bonifacio
(A redazzioni d'Alta Frequenza) - U prughjettu dittu di l'urdinanzi, appruntatu è prisintatu da Jean Michel Baylet è liatu à l'urganisazioni tarrituriali nova di a Corsica, sarà in dibattitu ssu ghjovi in u Senatu. Ùn sarà micca l'ultima tappa di ciò chì si pudaria chjamà u viaghju parlementariu, parchì malgradu l'inchietudini chì spuntani nant'à u votu di u Senatu, sarà infini l'Assemblea naziunali chì darà a so dicisioni quandu u cartulari vultarà nant'à u so scagnu. Ramintemi chì a cumissioni di i legi di u Senatu, chì hà da asaminà torna ssu marcuri l'urdinanzi, hà dighjà validatu ssu prughjettu, ma com'è in pulitica dì una cosa è u so cuntrariu hè calcosa di currenti, hè meghju à aspittà u votu di ssu ghjovi. Ramintemi dinò chì u cori di u prughjettu hè a fusioni in una sola cullittività di i dui dipartimenti è di l'Assemblea di Corsica. I merri di Corsica Suttana erani prisenti a simana scorsa à una riunioni impurtanti di u so associu didicata à ssu prublema. Li si pari d'essa stati ascultati o ancu intesi in ssu dibattitu largu ?
Steti à senta à Jean Charles Orsucci, u merri di Bunifaziu.
