Charte de la Commande Publique dans le BTP en Corse : un travail facilité pour les entreprises
(A redazzioni d'Alta Frequenza) - U Statu, a Cullittività tarrituriali di Corsica, i Cunsighji Dipartimintali, i camari cunsulari, l'urganisimi prufiziunali è i dui cumunità d'agglumerazioni i più maiò ani fattu un prima bilanciu dopu a signatura di vaghjimu scorsu di a Cartula di a Cumanda Publica in u BTP. Ùn hè un sicretu pà nimu, dipoi 2010 l'intrapresi chjuchi è mezani di u settori scontrani difficultà maiò ed era dunqua nicissariu di verificà nant'à u tarrenu s'è a cartulari signata à u mesi d'uttrovi cumencia à dà pà daveru i so frutti. U settori di i custruzzioni a ramintemi dinò, dipoi parechji anni, dinunzia a dibbulezza di a cumanda publica inde tutti i duminii d'attività. Una di i causi hè stata mintuvata torna ssu marcuri : a mancanza di leghjibilità inde i dispusitivi d'accessu à i marcati publichi, chì t'hà cunsiquenzi impurtanti nant'à l'intrapresi. A missa in sinergia di i cumpitenzi di tuttu ognunu hà da renda di fattu più faciuli u travaghju di l'intrapresi.
Steti à senta à José Santoni pà a federazioni di u BTP di Corsica Suttana.
