Budget primitif CTC : la droite prévoit d'orienter le débat comme elle l'entend
(A redazzioni d'Alta Frequenza) - Sittimana carca pà l'Assemblea di Corsica è l'Esecutivu chì duvarani asaminà sughjetti difficiuli, com'è quillu di i trasporti o ancu quillu di u bughjettu primitivu 2016. U dibattitu bughjettariu si sà sarà toccu da a pulemica chì, ss'ultimi sittimani, hè spuntata inghjiru à a gistioni di l'anziana maghjurità. Les Républicains t'avarani un rollu impurtanti mentri u dibattitu bughjettariu, parchì volini fà valè a visioni ch'elli t'ani nant'à ssu pianu quì. "Un hè micca u solu mumentu induva s'hà da arrigulà tutti i prublemi, ma hè un attu forti parchì metti in opara a pulitica di a maghjurità nova", hà dittu José Rossi. A diritta tarrituriali, chì cunnosci a situazioni difficiuli di u mumentu è soprattuttu quilla liata à tuttu ciò chì a CTC devi dipoi a fini di a mandatura scorsa, hà da pruvà ad urientà u dibattitu com'ellu a voli fà. Pà u presidenti di u gruppu Le Rassemblement, ùn ci voli micca à corra capicalatu fin'è un imprestitu chì mittaria propiu in periculu i bughjetti di l'annati chì venini. D'appressu à José Rossi, ci voli à aspittà d'avè infurmazioni novi cuncirnendu ssi fatti in particulari pà dà u so parè.
U stemi à senta.
Sur le même sujet
