Bastia : ouverture de la Casa di e Lingue
Era aghjà un pezzu ch’idda l’avia issu prughjettu, a municipalità bastiaccia. Asistia dighjà in u 2014, à l’epica di l’alizzioni di Gilles Simeoni. Oramai, si hè fatta rialità, a casa di i lingui. Dopu rinuvatu u cunventu Sant’Anghjulu, sò stati fatti parichji sali è spazia da permetta à a lingua corsa di spannà si. Certi d’issi spazia pudariani ghjuvà à chì n’hà bisognu, ma certi altri sò didicati à unità sidintarii, com’è Praticalingua, a reti Canopé o a fundazioni llu patrimoniu.
Issa Casa vurria avvià, pà l’avvena, una scola d’interfurmazioni à i lingui d’Auropa, cù una priurità pà i lingui llu Tarraniu.
Issu locu devi essa principalmenti quiddu di a trasmissioni, com’iddu a spieca Lisandru de Zerbi, l’aghjuntu à u merri di Bastia in carica lla lingua corsa.
D’issa rialisazioni, si ni rallegra ancu a Cullittività di Corsica. Pà Gilles Simeoni, u prisidenti di l’esecutivu, eccu ti un’iniziativa cumpagna di a strada insignata à l’assemblea di Corsica iss’ultimi sittimani.
Steti à senta à Gilles Simeoni.
Sur le même sujet
