Ajaccio : Inauguration du Relais du Centre Social des Salines
Sabbatu, à cità d’Aiacciu hà inauguratu à nantu à a piazza Jean Casili (Turri I di i Salini) u scagnu di u centru suciali di i Salini.
Chivi, sarà purtata una bedda attinzioni à l’accessu à i dritti (Cascia d’Allucazioni Famigliali, Pôle Emploi, Cascia Prima d’Assicuranza Malatia…).
Hè stata sviluppata una reti di soci, da pudè risponda à i dumandi è bisogni di u quartieri.
A midiatrici suciali d’Avà Basta, u cunsiglieri in insirzioni lla Missioni Lucali, u sirviziu suciali di u centru intercumunali d’azzioni suciali (CIAS) è u sirviziu privinzioni di a FALEP sò d’issa missioni.
Sò studiati altri cullaburazioni, masimu cù u sirviziu lla prutizzioni materna è infantili lla Cullittività di Corsica (PMI), da urganizà cunsultazioni pà i criaturi (saluta, parintalità, vistichera primaticcia di i dibulezzi).
