Aides au fourrage en 2015 : Paul Giacobbi, Thierry Gamba-Martini et Francis Pian jugés pour tentative de détournement de fonds publics
Dipoi marti, Paul Giacobbi, l’anzianu prisidenti di l’esecutivu, Thierry Gamba-Martini, u so dirittori ginirali lli sirvizia, è Francis Pian, u dirittori di l’uffiziu lli trasporti di tandu, sò ghjudicati in Bastia.
U primu affari hè quiddu di l’aiutu à u furaghju. D’uttrovi llu 2015, a CTC duvia priveda 228 000 auri à usu di a Méridionale, da riducia u prezzu llu trasportu di furaghju, in aiutu à l’agricultori tocchi da a siccaghjina.
Ma ùn sò chè dui i impresi – è una di quissi à a tricaticcia – à essa stati infurmati d’issu dispusitivu d’aiutu, chì in a DSP marittima ùn c’intria. Issu dispusitivu saria statu uttinutu via a intarvinzioni di Xavier Pettinato, rispunsevuli tandu llu sindicatu di i Ghjovani Agricultori llu Pumonti. Iddu avaria trattatu dirittamenti cù l’attori cuncirnati.
I trè incausati, chì li si rimpruvarighja un arrubeghju di solda publichi, ricusani issa nuzioni di dispusitivu d’aiutu. À senta li, c’era solu a vulintà d’uttena un gestu cumirciali da a parti di a Méridionale, è senza contraparti.
Steti à senta à Emmanuel Mercinier-Pantalacci, l’avucatu di Paul Giacobbi.
