44 policiers et gendarmes légèrement blessés dans des heurts en marge du match Bastia - Marseille
(A redazzioni d'Alta Frequenza) - Ci sò stati incidenti trà forzi di l'ordini è certi sustenidori bastiacci, nanzi è dopu à a partita trà u SC Bastia è l'Olympique di Marseghja. A nota hè salita d'appressu u ministru di l'Internu Bernard Cazeneuve chì annunzia in un cumunicatu chì deci pulizzeri di i Cumpagnii Republicani di Securità è trentaquattru gendarmi mobili sò stati feriti lighjeri o chì ani avutu lesioni soprattuttu par via di petri lampati o ughjetti pirotennichi, ottu essendu stati curati à l'uspidali di Falcunaghja. Sicondu u miministru, i forzi di l'ordini "ani agitu u capu à senu è cù ritinuta", Bernard Cazeneuve dumandendu a "determinazioni (di i) rispunsevuli cuncirnati, à u nivellu lucali è naziunali, pà falla finita cù ssi cumpurtamenti viulenti, in particulari contr'à i forzi di l'ordini chì devini essa rispittati".
Sur le même sujet
