29 personnes dont 8 marins de la SNCM jugées dans le cadre d'un trafic d’armes et de drogue
(A redazzioni d'Alta Frequenza) - A SNCM hè sicuramenti in cori di l'attualità ssu marcuri. In fatti, mentri chì u tribunali di cummerciu di Marseghja duvaria fà cunnoscia oghji a so dicisioni cuncirnendu a ripresa di a cumpagnia è annunzià u nomu di u pruprietariu novu pussibuli, un antru prucessu tocca ssa listessa cumpagnia. Stavolta, hè davanti u tribunali currizziunali. 29 parsoni, frà i quali 8 marinari di a SNCM, sò ghjudicati in u quadru di un trafficu d'armi è di droga. Un trafficu trà a Corsica è u cuntinenti, cù battelli annant'à chì erani traspurtati marcanzii micca legali. À mezu à i parsoni ghjudicati c'hè Camille Abboche, dilegatu sindicali CFTC, chì, sicondu certi fonti, saria a pezza maestra di ssu dispusitivu.
