05 mai 2018 : Émotion et recueillement, vingt-six ans après la catastrophe de Furiani
(A ridazzioni d'Alta Frequenza) - Erani parichji cintinai di parsoni à essa prisenti, com’è ugni annu, à a cirimonia d’umaghju à i vittimi di Furiani, davanti à u munimentu ch’affianca a tribuna nordu di u stadiu, quidda chì, ghjust’à puntu, s’era sfraiata quiddu 5 di maghju di u 1992. Famiddi, amichi, rispunsevuli spurtivi è pulitichi erani chivi, in prisenza lla ministra llu sport, Laura Flessel. Una ghjurnata più zippa chè l’altr’anni, postu ch’iddi c’erani sta volta dibattiti è cunfarenzi in ghjiru à a timatica di u sport : a so funzioni suciali, i straghji è u so pesu. U Cullittivu di i vittimi hà fattu senta u so parè di sempri : chì ugni 5 di maghju sichi un ghjornu senza ballò in francia, ancu s’idd’ùn casca in sabbatu.
Josepha Guidicelli
