Zoom sur l'ouvrage "La maîtresse du gringo"
(A redazzioni d'Alta Frequenza) - "Johanna, bella Duminicana, à quali piaci a vita, a so famighja, a natura, chì t'hà par sposu un omu micca capaci d'intrattena a so famighja, pighja pà amanti un risturatori francesi da fà chì i so fighjoli ùn campessini più ind'a precarità. Scontra l'amori, eppuru à l'urighjini di a so fini tragica". Eccu u riassuntu di "La maîtresse du gringo", un libru di Pierre Leca, è publicatu ind'è l'edizioni du Panthéon. Ma aldilà di iss'opara mischjendu i sintimi, l'autori hà vulsutu purtà un missaghju, fà nascia una presa di cuscenza nicissaria, di pettu à i viulenzi contr'à i donni ind'u mondu sanu. Fà cambià i mentalità, eccu unu di i scopi di issu libru chì ci faci cunnoscia i maneri di campà di un paesi, andendu à scopra i so abitanti è i so paisaghji.
Ecoutez-le.
