Yvan Colonna : manifestations à Ajaccio et Bastia, plusieurs blessés, les élus s'expriment
Ci sò stati l’azzuffi, marti in Aiacciu, trà a ghjuvantù corsa è i forzi ditti di l’ordini. L’affari hè cumenciu cù a mubilisazioni lli liceani, ma hè cuntinuvatu ghjunta a notti.
Par disgrazia, parichji parsoni sò stati ferti, parichji ghjovani sò stati tocchi da bombi lacrimatoghji, acciuncatoghji è di dispirsioni.
À parichji parsoni, ci hè vulsutu à purtà li à u spidali. Unu di i ghjovani, d’età 16 anni, hè statu purtatu in Marseglia, ind’iddu duvaria essa uparatu.
Jean Biancucci, u prisidenti llu gruppu Fà Populu Insemi à l’Assemblea, era prisenti à torru à i ghjovani. Hà dittu ch’iddu a capia, issa brama di ghjustizia. Par iddu, a primura maiori hè ch’idda surghji a virità.
Steti lu à senta
U PNC era prisenti ancu iddu. Ciò chì succedi oghji, succedi parvia d’unu statu siccu com’è una stacchetta, hà dittu Jean-François Casalta, chì no’ stemu à senta.
In Bastia dinò, ci sò stati l’azzuffi davanti à a prifittura. Si ni parlarà in l’edizioni à vena.
