Yvan Colonna : Le STC empêche le débarquement des forces de police à Aiacciu ce vendredi matin
Vennari, i marinari llu STC ani fattu un’azzioni in sustegnu à Yvan Colonna, à nantu à u portu d’Aiacciu..
Ani impiditu ch’iddi sbarchini i forzi di l’ordini francesi, ch’erani à nantu à una navi lla Corsica Ferries.
Dopu ad avè impiditu, una bedda parti lla matinata, ch’idda entri in portu a navi, è dopu à calchì niguziati cù a prifittura, i sindicalisti ani accittatu ch’iddi sbarchini passaghjeri è marcansii, ma micca i forzi di l’ordini francesi.
Alain Mosconi hà dittu ch’idd’ùn si pudia adimetta di veda sbarca iss’aienti, quandu chì u statu francesu hè statu incapaci di pruteghja à Yvan Colonna in prighjoni.
Una prighjoni, d’altrondi, ind’idd’ùn duvia più essa, postu chì a legi li pirmittia l’avvicinera è a libarazioni cundiziunali, hà dittu u rispunsevuli llu STC lli marinari, chì no’ stemu à senta.
Sur le même sujet
