Yvan Colonna : Franck Elong Abé évoque un assassinat commandité
Via una lettara mandata à u ghjudici di struzzioni, franck élong abé ripidda i mutivazioni chì l’ani purtatu à fà u so attaccu murtali contru à Yvan Colonna, in prighjoni.
Spieca cù issu currieri, chì no’ avemu pussutu veda, ch’iddu era in sirviziu cumandatu.
Ricusa u carattaru islamista di u so attu, è accerta ch’iddu hà agitu pà u contu d’una terza parsona frusteri à a cintrali d’Arles. Issi parolli parini certi volti beddi assicurati, ma certi passaghja inveci parini più cunfusi.
Pà l’avucati di a famidda d’Yvan Colonna, issu currieri, ch’iddu ci voli à piddà in contu di manera misurata, rimetti quantunca tutti l’ipotesi in ghjocu.
A lettara hè stata missa in u cartulari di struzzioni.
L’avucati di a famidda vurriani ch’iddu sichi intesu subitu, franck élong abé.
Steti à senta à Dominique Paolini è à Anna-Maria Sollacaro, l’avucati di a famidda Colonna.
