Yvan Colonna : Bisogn’à marchjà, tutt’in carrughju dit Corsica Libera
Corsica Libara ni chjama à a mubilisazioni, dopu à a prova d’assassiniu contru à Yvan Colonna, in prighjoni cintrali d’Arles.
« A prova d’assassiniu contru à u nosciu amicu è patriottu Yvan Colonna hè una prova chì tutti i prighjuneri pulitichi incarciarati in francia sò à veru in piriculu di morti. L’attu udiosu di marcuri devi essa l’ultimu lla lista troppu longa di i malfatti », dici u muvimentu.
« A rispunsabilità di u statu francesu hè intreva, i so maneri d’agì ani armatu u bracciu di quidd’assassinu. U fattu si stà chì, pà issi tempa di turburi maiori, a dibulezza hè un crimini. U populu corsu ùn devi nè fideltà nè vassalità à a ripublica francesa.
Hè più chè ora di fà si senta à veru. Semu calpighjati, bisogn’à marchjà. Tutti in carrughju » dici in chjudenda Corsica Libara chì da cunfirma "lla so prisenza à a riunioni unitaria lla ghjuvantù corsa in Corti, privista issu ghjornu"
Sur le même sujet
