Xylella Fastidiosa : Stephane Le Foll se rend en Corse !
Photo Facebook Stéphane Le Foll
(A redazzioni d'Alta Frequenza) - Stéphane Le Foll, u ministru di l'Agricultura, sarà in Corsica oghji (marcuri). Dopu a cunfirmazioni di a scuparta di un casu infettatu di Xylella Fastidiosa in Prupià, u ministru farà dunqua u puntu annant'à a missa in ballu di u pianu di lotta contr'à u batteriu. In u prugramma di Stéphane Le Foll, un scontru è una discussioni cù l'agenti di u Statu in carica di i cuntrolli priventivi in u portu di Bunifaziu, visita di u tarrenu di l'oleicultrici Fabienne Maestracci, eppo visita di a "zona cunfinata". Stéphane Le Foll scuntrarà dinò i parsunali di a FREDON è i furestieri di u Cunsighju Dipartimintali di Corsica Suttana. Infini, u ministru sarà à u centru di una riunioni cù i raprisintanti di u mondu agriculu.
Sur le même sujet
