Xylella Fastidiosa : nouvelle réunion de travail en préfecture de Corse ce vendredi
(A redazzioni d'Alta Frequenza) - Una riunioni di travaghju nova annant'à a Xylella Fastidiosa hè stata urganizata ssu vennari da mani in prifittura di Corsica in Aiacciu, cù sperti è prufiziunali di u mondu agriculu. Sicondu a missioni di studiu annant'à u batteriu inde l'isula, guasgi a mità di a Corsica Suttana saria cuncirnata da a Xylella, cù 1800 chilometri quadrati tocchi è 17 lochi infettati. Hè impurtanti malgradu tuttu di pricisà chì solu u polygale cù fogli di murta hè infettatu da ssu batteriu. Sicondu i primi elementi racolti da ssa missioni di studiu, a sottu spezia ditta multiplexe di Xylella Fastidiosa prisenti in Corsica s'attaccaria unicamenti in fatti à u polygale, ma tuttu què devi essa cunfirmatu da asamini più pricisi. Un raportu cumplettu hè aspittatu nanzi à a fin di u mesi d'aostu.
Sur le même sujet
