Xylella Fastidiosa : la réponse du gouvernement à Paul Giacobbi
(A redazzioni d'Alta Frequenza) - A Xylella Fastidiosa s'hè invitata stamani (marti) à l'Assemblea naziunali. U diputatu di Corsica Suprana è presidenti di l'Esecutivu Paul Giacobbi hà postu in fatti una dumanda senza dibattitu à u ministru di l'Agricultura pà ciò chì tocca misuri pà luttà contr'à u batteriu. Suddisfatu da i misuri naziunali è l'arrestu presu da u prifettu di Corsica calchì ghjornu fà à ssu nivellu quì, Paul Giacobbi stima chì l'isula hè stata intesa. Malgradu tuttu, misuri in cumplementu sò nicissarii d'appressu à ellu pà pudè schisà qualsiasi catastrofa eculogica è ecunomica. Hè in ssu sensu chì u diputatu hà intarrugatu à Stéphane Le Foll. A risposta di u guvernu ùn hè micca intarvinuta da u ministru di l'Agricultura, chì ùn era micca quì, ma da u Secretariu di Statu in carica di a Riforma Tarrituriali, André Vallini. Ramintendu cù ditagli certi misuri presi da u prifettu di Corsica, ùn hà micca parlatu di manera chjara pà a missa in ballu di misuri novi contr'à a Xylella Fastidiosa. U guvernu firmarà attenti cuncirnendu i mezi umani è finanziari pà i servizi di u Statu, par ch'elli bastessini.
Steti à senta à André Vallini.
Sur le même sujet
