Xylella Fastidiosa : l'arrêté du préfet de Corse est entré en vigueur ce lundi
(A redazzioni d'Alta Frequenza) - L'arrestu di u prifettu di Corsica, chì pruibisci l'intruduzzioni di vegetali inde l'isula pà pudè cuntrà u batteriu Xylella Fastidiosa, hà presu effettu dipoi ssu luni. U scopu hè dunqua di schisà u "scempiu" ambientali chì accadi in ssu mumentu ind'i Pugli, lochi di u meziornu di l'Italia, induva parechji spezii vegetali, com'è l'alivi, sò stirpati. Un'interdizzioni cù pussibilità di derugazioni pà i prufiziunali, annant'à una dumanda struita da i servizi di u Statu, è di riintrata annant'à l'isula limitata à i soli porti d'Aiacciu è di Bastia. Dispusizioni di u prifettu Mirmand chì sò un bonu affari pà u cullittivu Xylella Fastidiosa, chì s'hè adunitu a sittimana scorsa. D'appressu à ellu, u Statu pighja infini pà daveru a misura di u dannu chì minaccia a Corsica. Eppuru, ùn basta ancu, com'ellu a ci spiega Saveriu Luciani.
U stemi à senta.
Sur le même sujet
