Xylella Fastidiosa : des cas détectés sur cinq nouvelles communes
(A redazzioni d'Alta Frequenza) - Duranti una riunioni assai cumplicata ind'è l'ODARC trà u prifettu di Corsica, i servizi di u Statu, l'eletti isulani è i raprisintanti agriculi induva u cullittivu Xylella Fastidiosa s'hè invitatu, u prifettu di Corsica hà annunziatu chì casi di Xylella Fastidiosa in più sò stati trovi torna annant'à polygales cù fogli di murta. Ssi casi sò in Albitreccia, Bastilicaccia, Peri, Purtichju è Santa Lucia di Purtivechju. Di fattu, u prifettu hà annunziatu a missa in ballu di una cellula d'ughjenza sittimanali chì sarà à a so carica o à quilla di unu di i so raprisintanti, chì adunisciarà i servizi di u Statu, l'elett è i raprisintanti di u mondu agriculu. U Cullittivu Xylella Fastidiosa firmarà ellu fora di ssi riunioni, fora di raprisintazioni micca diretti grazia à raprisintanti di i filieri agriculi impignati nentru à u cullittivu. Torna una volta, u prifettu hà incalcatu annant'à u fattu chì par avà, a Xylella hè ghjunta in Corsica sottu una forma ditta multiplexe, vali à dì sfarenti à quilla prisenti in Italia è più ristretta in tarmini di vegetali chì poni essa cuntaminati.
Steti à senta à Christophe Mirmand, u prifettu di Corsica.
Sur le même sujet
