Xylella Fastidiosa : attention aux offres de service frauduleuses
(A redazzioni d'Alta Frequenza) - Mentri chì l'uparazioni pà tumbà l'insetti ani da cuntinuà ssu vennari à sera à 7 ori, stavolta in Ulmetu è in Sartè, a prifittura di Corsica manda un missaghju à a pupulazioni. In fatti, dipoi ch'ella hè stata scuparta a prisenza di u batteriu Xylella Fastidiosa in Corsica, particulari è prufiziunali chì pudariani essa cuncirnati da u batteriu sò stati sullicitati parechji volti tutti i ghjorni. L'autori di ssi missaghji pruponini in fatti di dà trattamenti o suluzioni "naturali", chì parmittariani di sradicà u batteriu o di tumbanni l'insetti vettori. Ssi pruposti devini essa cunsidarati com'è una pratica cummirciali falsa, o ancu com'è una prova di scruccunaria. Hè ramintatu in fatti chì par avà, ùn asisti nisun trattamentu pà luttà contr'à l'effetti di a Xylella Fastidiosa annant'à i vegetali infettati. Qualsiasi sullicitazioni di ssu gennaru duvarà fà l'ughjettu di un signalamentu à i direzzioni dipartimintali di a cuesioni suciali è di a prutezzioni di i pupulazioni di Corsica Suttana o di Corsica Suprana o ind'è i forzi di l'ordini.
Sur le même sujet
