Voyage en Corse : tests obligatoires pendant encore un mois
Photo protection civile de Corse
L’ublicu d’una virifica par ghjunghja in Corsica durarà dinò un mesi, à u minimu.
U dispusitivu, ch’era privistu par finiscia dumani, hè statu mantinutu, dopu à parichji niguziati, è dopu à una chjama nova lli midicanti.
Missu in anda innanzi à i vacanzi di Natali, faci ublicu à i viaghjadori di fà una virifica trè ghjorna innanzi à a so partenza, ch’idda sichi par piddà l’avviò o par piddà u battellu.
A prifittura hà datu cunfirma d’issa dicisioni, dendu ni calchì spiicazioni. « Di fatti, dopu à trè sittimani, issi virifichi sò accittati bè da l’isulani è da i viaghjadori. 98,8 % di i 58 000 viaghjadori cuntrullati trà u 19 di dicembri è u 4 di ghjinnaghju aviani fattu a virifica aspittata.
Tinindu contu lla situazioni epidemica isulana, si manteni issu dispusitivu cù u scopu di riducia u risicu d’una ripresa ».
Sur le même sujet
