Vote du budget primitif 2016 de la CTC : réaction de Marie-Antoinette Santoni-Brunelli
(A redazzioni d'Alta Frequenza) - Dopu à dui ghjurnati senza fini è discussioni longhi pà sbuccà infini nant'à un accunsentu fora di l'emiciculu (veda altrò), u bughjettu primitivu 2016 di a Cullittività tarrituriali di Corsica hè statu aduttatu ssu vennari à sera. I gruppi Femu a Corsica è Corsica Libera di a maghjurità ani vutatu à prò di sicuru (24 voti), mentri chì, in leia cù l'accordu signatu calchì ora nanzu, i gruppi Le Rassemblement, Prima a Corsica è u Front National ani ricusatu di participà à u votu (24 eletti), parmittendu una sorti pusitiva pà ssu raportu. I soli voti contru sò senza surpresa quilli di u gruppu Communiste et Citoyens du Front de Gauche (3 voti). Dopu à ssu dibattitu longu è difficiuli, c'era u sullevu ben intesu inde tutti i furmazioni pulitichi. Tuttu u mondu pinsava d'essa passatu vicinu à una vera crisa pulitica, chì avaria pussutu fà cascà a Corsica in una situazioni ecunomica catastrofica. Pà Paul Giacobbi, di quali si n'hè parlatu assai duranti ssa riunioni di l'Assemblea, hà difesu di sicuru cù putenza i so uzzioni in materia di gistioni. Par ellu, i mudificazioni arricati à a prima scrittura di u bughjettu sò bastati pà purtà u so gruppu fin'è una neutralità parmittendu à u bughjettu d'essa vutatu. Pusizioni abbastanza simuli ma pà raghjoni propiu sfarenti da a parti di u gruppu Le Rassemblement. Quì dinò, a cunfruntazioni di l'idei è di l'uzzioni hà parmissu di fà nascia l'accunsentu tantu bramatu.
Steti à senta à Marie Antoinette Santoni Brunelli.
Sur le même sujet
