Volley (MSL) - Le GFCA sèchement battu à Toulouse (3-0)
Photo : GFCA
Hè stata bedda greva a disfatta di u GFCA volley, marti à sera in Tulusa, pà u contu di l’ultimu di i scontri in andà di u campiunatu di Liga A, u marcu finali issendu di trè mani à zeru.
25/19, 25/19, 25/17 : eccu dunqua u risultatu d’iss’ultimu scontru di u 2025, un’annata ch’ùn si compii cusì bè pà i Diavuli Russi.
Issa disfatta, ben’intesa, pesa à a classifica pà l’omini di Frédéric Ferrandez, chì sò oramai ultimi llu campiunatu, dopu à i trè punti di pinalità cacciati da a DNACG, a fin’d’annata issendu cumplicata ancu à liveddu spurtivu.
Li ci hà da vulè, à u GFCA, à ripiddà si subitu, da ùn lacà troppu scappà à quiddi altri in a cursa pà u mantinimentu.
Sabbatu ch’entri à u Palatinu, u scontru contru à Cannes hà da essa impurtanti à veru.
