Volley (MSL) - Le GFCA se déplace à Toulouse ce soir
Photo : GFC Aiacciu
Issu marti à sera, pà l’ultimu scontru di l’annata di u campiunatu di Liga A di volley ball, u GFCA si ni movi à ghjucà in Tulusa.
A squadra hà avutu a pessima surpresa di veda a DNACG caccià li trè punti di pinalità à a classifica.
Intantu di passà in appellu, l’aiaccini sò ultimi llu campiunatu, cù dui punti di ritardu à nantu à Saint Nazaire.
Quissa vol’dì chì à i Diavuli Russi, l’hà da tuccà à fà i sforzi à veru da circà à rimpattà issa inghjustizia, è ùn lacà filà troppu i squadri chì a si luttani ancu iddi par mantena si.
Contru à Tulusa, chì hè pusiziunata in meza classifica, li ci hà da vulè, à i ghjucadori di Frédéric Ferrandez, à impignà si di cori è di stintu, da circà à piddà si una vittoria chì à veru faria prò, à a classifica è à u murali ancu.
Iss’ultimu di i scontri in andà cumencia à ottu ori di sera, à u Palais des Sports André Brouat.
Sur le même sujet
