Volley (Ligue B) - Le GFCA visera la victoire à tout prix ce soir à Cambrai
In Liga B di volley, u GFCA si ni movi sta sera in Cambrai, pà u sicondu scontru di a so meza finali.
Avendu persu vennari à u Palatinu, l’aiaccini ùn ani altra scelta chè quidda di vincia issu dispiazzamentu, chì sidinò saria un fiascu a so staghjoni, è sariani ghjunti à issu puntu in darru.
Ùn vali dunqua à pattighjà, pà i ghjucadori di Frédéric Ferrandez : si tratta chivi d’una partita d’alta primura !
Li ci hà da vulè à ghjucà propriu bè, masimu par serva è riceva, chì saria à veru un piccatu è una dillusioni d’escia avali da a cumpitizioni, dopu ad avè fattu un campiunatu guasgi parfettu.
Par casu ch’idda venga a vittoria, i Diavuli Russi si dariani u drittu di fà un ultimu scontru, dittu d’appoghju, à u Palatinu.
A partita cumencia à ottu ori di sera.
