Volley (Ligue B) - Démonstration de force du GFCA à Reims (1-3)
Photo : GFCA
In Liga B di volley, u GFCA hà rinfurzatu a so piazza in l’altu di a classifica, andendu sabbatu à sera à vincia, trè mani à una, contru à Reims.
A prima mani, i Diavuli Russi l’ani vinta cù un marcu di 25 à 20.
Amuffati sicuramenti da iss’attaccu di scontru, i lucali s’ani presu a siconda mani, 25 à 21.
Ma l’aiaccini ùn ani vulsutu lintà nudda, vincindu si a terza mani 25 à 18, po’ a quarta – è dunqua u scontru – 25 à 15.
U GFCA si teni sempri, cù issa vittoria, in l’altu di a classifica, cù dui punti d’avanzu à nantu à Cannes, chì hà vintu par contu soiu u so scontru contru à Royan.
