Volley (Ligue A) - Le GFCA en quête d'exploit ce soir à Cambrai
Photo Alta Frequenza
Marcuri à sera, in Liga A di volley, u GFCA si ni movi, à spaddi à u muru, in Cambrai.
À quattru ghjurnati lla fin’di staghjoni, ùn hè tanta a scelta pà l’aiaccini : piddà i punta par aghjustà à Nantes è à Nizza, è avè calchì spiranza di mantena si trà i tarcani llu volley naziunali.
Malgradu a vittoria, à u tie-break, lla sittimana scursa contru à Nizza, i Diavuli Russi sò à a malavia à a classifica. Ma li ferma quantunca una piccula pussibilità par salvà si.
Ma par quissa, ci hà da vulè à cunturrà si cù un risultatu da issu dispiazzamentu, ind’è u quintu llu campiunatu. È ci vurria dinò, à tempu, chì Nizza vincissi in Nantes.
U scontru cumencia à 8 ori, in a sala Jean-Marie Vanpoulle, in Cambrai.
