Volley-ball (Supercoupe) - Le GFC Ajaccio en quête d'un nouveau titre face à Paris
(A redazzioni d'Alta Frequenza) - Hè l'evenimentu volley ball à calchì ghjornu di a ripresa di u campiunatu di Francia di Ligue A ed hè in Aiacciu chì l'affari si passa. In fatti ssu sabbatu, u Palatinu accogli i finali di Supercoupe, uppenundu u vincidori di u campiunatu à quillu di a cuppa naziunali. Principia à 6 ori pà a finali feminili trà Saint Raphaël è u RC Cannes, prima à u mumentu chì tuttu u publicu aiaccinu aspetta, a finali di i masci trà u GFCA è u Parighji Volley à 9 ori menu un quartu. Un scopu solu pà i ghjucadori di Frédéric Ferrandez : batta i Parighji è scriva una linea nova à u so palmarès buschendusi ssu titulu. L'urganisazioni di ssa manifistazioni hè una vera scumessa pà a squadra dirighjenti, chì hè stata ubligata à rispittà l'esigenzi impurtanti di a Liga Naziunali di Volley, da fà chì tutti i cundizioni sighini quì pà una festa maiò.
Steti à senta à Antoine Exiga, u presidenti di u GFC Aiacciu volley ball.
