Liga B di volley : u GFCA ricevi à Cambrai
Sabbatu u quindici di frivaghju à ottu ori, u GFCA volley ricevi à Cambrai à u Palatinu.
Issendu à u cumandu bè di a classifica di Liga B, u GFCA ùn devi lacà filà nienti, da pudè attaccà i play off in pusizioni di forza.
Favuriti contru à issa squadra lla siconda parti lla classifica, l’omini di Frédéric Ferrandez t’ani ben’intesa l’ambizioni di a vittoria davanti à u so publicu, masimu ch’idda s’avvicina a fini di a fasi rigulara llu campiunatu.
Cù ottu punti d’avanzu à nantu à Fréjus, i Diavuli Russi pudariani dighjà tuccà issu primu ughjittivu, aspittendu a ricuddata in Liga A, chì hè l’ughjittivu di i dirigenti è di i ghjucadori.
