Volley-ball (Ligue A) - Affiche des grands soirs pour le GFC Ajaccio à Cannes
(A redazzioni d'Alta Frequenza) - Nova ghjurnata di u campiunatu di Ligue A di volley ball ssu sabbatu à sera cù un billissimu scontru in perspettiva annant'à a Croisette, postu chì u GFC Aiacciu, sicondu, và ind'è u leader Cannes. Una partita chì s'assumiglia à una vera prova è chì prumetti assai trà dui furmazioni assai parfurmenti è chì ghjocani, eppo spiccati da un picculu puntu solu. S'è Frédéric Ferrandez avia fattu assai cambiamenti pà u 16imu di finali ritornu di a Cuppa d'Auropa CEV marti à u Palatinu, hè a dream team di u GFCA chì duvaria ghjucà stasera in Cannes.
