Volley-ball - Le GFC Ajaccio fête ses 50 ans !
(A redazzioni d'Alta Frequenza) - 50 anni ! Hè l'età di u GFC Aiacciu volleyball ! U club hà fistighjatu u so anniversariu ssu marcuri à sera duranti u scontru di Cuppa d'Auropa CEV in u Palatinu, cù in più di què una vittoria. 50 anni chì ani vistu u GFCA passà da u mondu amatori à quillu prufiziunali, da i campiunati regiunali fin'è quilli naziunali è i cumpetizioni aurupei, tuttu què cù mumenti maravigliosi ma dinò altri più difficiuli. U GFCA volleyball s'hè impostu com'è unu di i clubs chì ani stampatu a storia di u sport corsu à u fà di l'anni è spera di cuntinuà cusì, cù dinò a brama di sviluppà a furmazioni di i ghjovani ghjucadori isulani.
Steti à senta à Antoine Exiga, u presidenti di u club.
Sur le même sujet
