Vol Paris - Ajaccio : Atterrissage d’urgence à Lyon
(A redazzioni d'Alta Frequenza) - I passaghjeri di u bulu Parighji - Aiacciu d'XL Airways ani avutu una grossa paura arimani (sabbatu). Mentri ch'elli erani partuti da l'aeruportu di Roissy pà andà in Aiacciu, sò stati ubligati à pona si, d'urghjenza, nant'à l'aeruportu di Liò Saint Exupéry dopu à un prublema di pressurisazioni drentu à l'avviò. Un'uparazioni furzata pà schisà un accidenti chì avaria pussutu essa ancu di più gravi. Nimu hè statu feritu, ma parechji passaghjeri ùn ani micca pussutu ripighjà l'avviò par via di prublemi à l'arechji, di pettu à a dipressurisazioni è a falata assai in furia. Sò stati ubligati à vultà in Aiacciu in vittura è battellu. Pà l'altri, un altru avviò hè ripartutu ind'a sirata.
Sur le même sujet
