Vol à main armée dans une maison à Appietto
(A ridazzioni d'Alta Frequenza) - Versu 4 ori è mezu sta mani, dui parsoni armati è mascarati sò intruti in una casa, in Appietu. I dui malfattori si sò pittughjati à i dui abitanti è l’ani maltrattati, po’ si ni sò scappati, piddendu si a vittura llu coppiu, parichji ugetti è ancu solda. L’abitanti lla casa, chì si trova in fora llu paesu, a l’ani fatta à sciodda si è ani pussutu dà l’alerta. Hè stata aparta una inchiesta.
