Vives tensions lors du dernier conseil municipal d'Ajaccio
Ci hè statu u pidda para vennari à sera in cunsigliu municipali d’Aiacciu, pà u votu llu bughjettu.
L’uppusizioni municipali si n’hè andata senza aspittà u votu.
U bughjettu hè statu validatu cù i voti di a sola maiurità, senza u sustegnu di Basiliu Moretti.
Ma innanzi à issu votu, ci sò stati i imparullati di quiddi.
L’uppusizioni municipali si hè affesa di l’andamenti di u merri è di u so primu aghjuntu.
Via un cumunicatu, dici ch’iddi sò isciuti da u suminatu mentri u cunsigliu… cù inghjulia è disprezzu, masimu contru à Danielle Antonini è Jean-Paul Carrolaggi.
« Stimmatizà una donna, ancu puri ch’idda sichi donna pulitica, trattendu la di telegraffista di u viali Grandval, vulendu fà creda ch’idda ùn hè capaci chè à leghja i ducumenti chì li sò stati scritti, ùn hè fattu unurevuli pà u primu aghjuntu, chì hà avutu parolli gravi, diffamatoghji è ancu viulenti contru à Jean-Paul Carrolaggi, trattendu lu d’indicatori », spieca l’uppusizioni.
« Ci sò accusazioni cumpagni, ma quissa ùn la saparà mancu cù a so poca spirienza, chì certi volti ani avutu cunsiquenzi gravissimi pà i parsoni inghjuliati. Ultimu fattu d’issa sissioni, u merri hà ricusatu à Jean-Paul Carrolaggi un drittu di risposta, dindu chì l’uppusizioni avia parlatu à bastanza, è tandu iddu si n’hè dunqua andatu », dicini in issu cumunicatu spartutu
Danielle Antonini, Julia Tiberi, Jean-Paul Carrolaggi, Jean-André Miniconi, Basiliu Moretti è Jean-François Casalta.
Sur le même sujet
