Vives inquiétudes des personnels des Finances publiques
(A redazzioni d'Alta Frequenza) - L’attualità hè soprattuttu pulitica trà i dui ghjiri, eppuru hè dinò suciali parchì l’inchietudini di certi salariati, di a funzioni publica o micca, ùn hè micca spinta da a cosa pulitica. Asempiu cù ssa manifestazioni, a sittimana scorsa, di i parsunali di i Finanzi Publichi è di ducani contr’à a pulitica di ristrizzioni bughjettarii è a so cunsiquenza diretta, sminuiscini l’effettivi. È in Corsica, ssa pulitica si duvaria traducia da a sparizioni di parechji percezzioni ind’u mezu rurali, ciò chì spieca a scuntintezza di FO Finanzi publichi.
Steti à senta à Jean Claude Vesperini.
