Visite et discours d'Emmanuel Macron en débat à l'Assemblée de Corse
Si riparla issu luni di a sissioni di l’Assemblea di Corsica di a sittimana passata. Ci si hè parlatu, ben’intesa, di a visita è di u discorsu di u prisidenti francesu.
Gilles Simeoni hà dittu ch’iddu prifiria un’autunumia à l’usu corsu à un’autunumia à l’usu francesu.
« Aghju cuscenza ch’idda hè stretta a via, aghju cuscenza di a difficultà. L’ustaculi, ci hà da vulè à francà li ad unu ad unu. Hè difficiuli, ma si pò fà. Ci voli à riescia, chì altra scelta ùn ci n’hè », hà dittu u prisidenti di u cunsigliu esecutivu, chì no’ stemu à senta.
Paul Quastana hè statu beddu criticu, par ciò chì tocca à l’unanimità.
« Avemu 73 % di i voti pà una dilibarazioni arrimbata à i 70 % naziunalisti, è ci dumandani l’unanimità ».
« Avemu presu u tempu di travaddà unu scrittu, ma s’iddu ci voli à ricumincià par ghjunghja à l’unanimità, allora hè nissutuli », hà dittu l’elettu di Cori in Fronti, chì no’ stemu à senta.
Jean-Martin Mondoloni hà dittu ch’idda c’era « una sumidda cù a fisica quantica : u fenomenu cambia sicondu quiddu chì u fighjola ».
U coprisidenti di Un Soffiu Novu hà rigritatu ch’iddu sichi statu « sminticatu u PTIC, è ch’iddu ùn sichi stata ritinuta chè a parti stituziunali ».
« Issu famosu puntu d’equilibriu ricircatu… semu cuscenti di u sforzu ch’iddu ci tocca à fà sè no’ ni sciddimu a via », hà dittu Jean-Martin Mondoloni ch’ùn si vol’chjuda in i pusturi.
Steti lu à senta.
Jean-Christophe Angelini hà dittu ch’iddu voli à tutti conti prufittà d’iss’uppurtunità.
« A vi dicu bedda chjara, senza cumprumissioni, senza rinigà ciò chì no’ semu in cori à no’ stessi, naziunalisti corsi, ùn faremu nudda da ch’iddu si fiaschi, è tuttu da ch’iddu si riesca ».
Steti lu à senta.
Sur le même sujet
