Visite de Marylise Lebranchu : ce que Camille de Rocca Serra dira à la ministre
(A redazzioni d'Alta Frequenza) - Chì hà da dì a Corsica à Marylise Lebranchu dumani (vennari) duranti a so visita davanti à l'Assemblea di Corsica, u Cumitatu Strategicu più particularmenti, è soprattuttu chì hà da dì Marylise Lebranchu à a Corsica dopu à i presi di pusizioni propiu schietti di u ministru di l'Internu calchì sittimana fà ? A saparemi in fin di matinata è particularmenti dopu a cunfarenza di stampa ch'ella darà a ministra di a Riforma di u Statu, di a Dicintralisazioni è di a Funzioni Publica in principiu di dopu meziornu à u Palazzu Lantivy. Ciò chì hè sicuru, hè chì a situazioni di tinsioni viva criata da a nova greva di a SNCM hà aghjustatu torna à a difficultà in una Corsica tocca dipoi mesi longhi oramai da una situazioni di crisa. S'hè risintutu assai oghji duranti u dibattitu di u bughjettu supplementariu pà l'annu 2014. Paul Giacobbi hà pruvatu duranti ssu dibattitu di minimizà à pocu pressu di difficultà, ricunniscendu à tempu una situazioni finanziaria assai cumplicata. A diritta hè stata torna assai secca è putenti in ssu dibattitu. Chì hà da dì Camille de Rocca Serra dumani à Marylise Lebranchu, è què di pettu à i difficultà glubali di u mumentu in Corsica ?
U stemi à senta.
Sur le même sujet
