Visite de Manuel Valls et prisonniers politiques : Sulidarità et la LDH mobilisées
(A redazzioni d'Alta Frequenza) - U Prima ministru Manuel Valls è cinqui altri membri di u guvernu sò dunqua in Corsica ssu luni. Una visita chì hè principiata in Aiacciu è a prifittura cù a riunioni cunclusiva nant'à i gruppi di travaghju didicati à a lingua corsa, à a fiscalità, à i stituzioni è à l'intercumunalità. U puntu cintrali era custituitu di sicuru da l'urdinanzi rilativi à a criazioni di a cullittività unica. Più di dui ori d'intrattenu nanzi à un'accolta è discorsi à a Cullittività tarrituriali di Corsica. Ghjuvan Guidu Talamoni, Gilles Simeoni eppo Manuel Valls ani presu a parolla. Nanzi à què, scuntintezzi forti sò ricullati vicinu à a prifittura è a CTC. Cuntistazioni sindicali di a CGT contr'à a legi Travaghju prima, di l'Associu Sulidarità è di a LDH dinò pà dumandà l'annistia è l'avvicinamentu di i prighjuneri pulitichi. Sulidarità è a Liga di i Diritti di l'Omu sò stati propiu scandalizati da i parolli di u Prima ministru in a stampa nant'à u sughjettu. Una dilegazioni hè stata ricivuta da una raprisintanti ministiriali.
I spiegazioni di Ghjuvan Maria Poli nanzi à ss'intrattenu.
Sur le même sujet
