Visite de Manuel Valls en Corse : les syndicats CGT, FO et FSU mobilisés
(A redazzioni d'Alta Frequenza) - Si ni sà oramai di più nant’à a visita di u Prima ministru Manuel Valls luni chì veni in Corsica. Sarà accumpagnatu da Jean Michel Baylet, ministru di l’Accunciamentu di u tarritoriu, Najat Vallaud Belkacem, ministra di l’Educazioni naziunali, d’Emmanuelle Cosse, ministra di l’alloghju è Christian Eckert, secretariu di Statu in carica di u bughjettu. Una visita in Aiacciu in prifittura è à l'Assemblea di Corsica frà altru, o ancu in Bastia cù un passaghju in casa cumuna. Annunzi cuncirnendu a Cullittività unica, a lingua corsa o ancu l’arrestati Miot sò aspittati ramintemula. I presi di pusizioni, i cunfarenzi di stampa è ancu i fori citadini sò stati urganizati duranti a simana. L'Associu Sulidarità è a Liga di i Diritti di l'Omu calchì ghjornu fà ani vulsutu alertà a dilegazioni ministiriali nant'à a sorti di i prighjuneri pulitichi corsi. Eppo ssu vennari da mani, duranti una cunfarenza di stampa nova, i sindicati di salariati, in tutti i casi a CGT, FO è a FSU ani vulsutu ramintà à u Prima ministru à u so uppusizioni putenti contr'à i prughjetti prisintati da u guvernu. Và ben intesu da a legi El Khomri fin'è a cullittività unica. I sindicati sarani luni da mani in carrughju pà fà senta ssa voci quì.
Steti à senta à Jean Michel Biondi pà l'intersindicali.
Sur le même sujet
