Visite de Gérald Darmanin : on prépare le terrain pour la venue d'Emmanuel Macron
Dipoi marcuri dopu meziornu, hè in Corsica gérald darmanin.
U ministru francesu di l’internu hè ghjuntu à appruntà a visita di u prisidenti lla ripublica, privista pà a fini llu mesi.
Annunci, oghji, ùn ni farà. Ma hè privistu un ritrovu cù u prisidenti di l’esecutivu, è supr’à tuttu cù i merra.
« Semu in traccia di campà un mumentu particulari, impurtanti è dicisivu », hà dittu Gilles Simeoni, chì hà ancu parlatu d’un’avanzata à nantu à a via di u dialugu.
U prisidenti di l’esecutivu hà mintuvatu u raportu « Autunumia », vutatu di luddu cù una bedda maiurità.
Ma hà pricisatu, Gilles Simeoni, « chì nienti si pudarà fà senza i corsi, è nienti senza l’impegnu di i merra è di i prisidenti d’EPCI ».
Issu sintimu, u sparti a maiurità tarrituriali.
Jean-Félix Acquaviva, u diputatu lla siconda circuscrizzioni llu Cismonti, hà parlatu di u scontru trà u gruppu LIOT è u ministru.
Unu scontru chì chì pudaria lacà veda uni pochi d’affari, hà dittu u diputatu, chì no’ stemu à senta.
Steti à senta avali un diputatu Paul-André Colombani, chì parla ancu iddu d’issa visita è di u seguitu ch’idda pudaria avè.
Ani parlatu un pezzu cù u ministru, i merra, mintuvendu li i so pinsera è i so attesi.
Iss’attesi viaghjani da a parti custituziunali à affari cuncreti di più, com’è l’assanamentu, l’urbanismu o i rumenzuli.
Steti à senta à François-Xavier Ceccoli, u merri di San’Ghjulianu.
U merri di Pitrusedda hà dittu ch’iddu rigritaia ciò chì avia purtatu hà l’apartura d’issu prucessu.
Hà dittu ancu ch’iddu rigritaia ch’iddi sichini stati in fora di i discussioni, i merra, sinu ad oghji.
Steti lu à senta.
