Visite de Gérald Darmanin en Corse : premières réactions d'élus
Un pocu innanzi à 4 ori, hè ghjuntu in Aiacciu gérald darmanin, u ministru francesu di l’internu.
Duvia scuntrà in prima à Gilles Simeoni, u prisidenti di l’esecutivu, po’ à Marie-Antoinette Maupertuis, è dopu i prisidenti lli gruppi.
À l’escia d’issa riunioni, Jean Biancucci, à nomu di Femu à Corsica, hà dittu ch’iddu hà chersu virità è ghjustizia, è ch’iddu hà dumandatu a libarazioni di i trè imprighjunati pà l’affari dittu Erignac, chirindu pà issu particulari una risposta rapida.
Parlendu lla ricunniscenza llu Populu Corsu, hà dumandatu chì ni saria a forma, chì prucidimentu era privistu, è chì ni saria di l’almanaccu, bramendu un tempu curtu pà issi niguziati. Jean Biancucci hà dumandatu uni pochi di pricisioni à liveddu lli cumpitenzi, in particulari lighjislativi, cuncessi da issu statutu d’autunumia.
Laurent Marcangeli, chì hè statu custrettu à andà si ni da a riunioni, hè fidu à u missaghju ch’iddu porta chì sò anni è anni, cù a vulintà di vultà ni à tempi più sireni par ùn avè à pata si calchì drama.
Par iddu, ci voli à fà surghja a virità pà a prova di micidiu contru à Yvan Colonna, è à avvicinà senza altru à Pierre Alessandri è Alain Ferrandi.
L’autunumia ùn ispavichja tantu à Laurent Marcangeli, chì dumanda un’urganisazioni efficaci lli puteri publichi.
U merri d’Aiacciu hà prupostu un rifarendu, da ch’iddu dica, u populu corsu, comu avvià si pà issa strada.
Steti à senta à Laurent Marcangeli.